amcum 10 Posted February 27, 2009 Partager Posted February 27, 2009 Iman Yedda… Abrid-is ziγ yessawen! Yeεya… Yefcel, kkawen ifadden Meεna… Iεudd d abrid yessufuγen! Anda… Akken i zdin yerwihen Yebγa… Ad yezdi sin deg yiwen! Kra… Ur ibettu gar-asen Yecba… Asefru γef lkaγedh Yebda… Taggara ur tt-yettawedh Yura… S imetti d yiγed Di twenza… Akken yiwen ur t-iseffedh Yenwa… Tira n yidim i lebda tenttedh Ur yezmir ara… A tt-yekkes ufus mi tecredh! Iger isufa… I tmess akken ad tennerni Yes-s nessehma… Ussan n wegris d webruri Yes-s nerγa… Mi d-yezzi unebdu ziγenni War tamella… Deg-neγ yessreγ kullci Inuda… Anda akken ad yesdari Yufa… Talwit, lehna d tili Yesteεfa… Ddaw ijifer n tayri Meεna… Gren-d afus wussan Tiyita… Wissen wi s-tt-id-yefkan Thuza… Tayri, ul terna iman D azzekka… N ttlam i sen-d-heggan D nnehta… tamdelt i sen-rran Ur kfinen ara… Mettlen-ten akken εeryan S titt i ten-nwala Mi gren irebbi i igenwan Srafgen, djan lqaεa ttfen tasga ger yetran Nsemma-yas lehmala I wanda akken yeγli yiman Ur nezzra… D tudert neγ d lmut i t-yenγan!! * Ttwakksen-d seg wammud “Imetti n tsusmi“ ara d-yeffγen ssya d afella. S-Yurr tamyarut Tanasslit yettwaksed seg asmel: imyura com Citer Link to post Share on other sites
Recommended Posts
Join the conversation
You can post now and register later. If you have an account, sign in now to post with your account.
Note: Your post will require moderator approval before it will be visible.